Partia Socialistë ka paralajmëruar kallëzim penal në SPAK për Jorida Tabakun për takimin me kreun e këtij institucioni Arben Kraja.
Vendimin e bëri me dije gjatë mbledhjes së komisionit të posaçëm për inceneratorët anëtarja Ermonela Felaj. Ajo tha se Tabaku do të kallëzohet në SPAK, pasi pa marrë “ok” nga komisioni, ka shkelur ligjin duke takuar Arben Krajën për çështjen e inceneratorëve. Sipas Felajt, duhet të ishte Kuvendi që të paraqiste dokumente në SPAK dhe jo individi.
Në nisje të komisionit, Tabaku tha se “transparenca po vendos një presion pozitiv mbi SPAK për të vepruar sa më shpejt, sepse provat dhe faktet për abuzimet janë të qarta”. “Besoj se deri në fund të këtij procesi, të paktën në emër të PD, do e bëjmë këtë detyrë me integritet”, shtoi ajo.
Fjalën më pas e mori Felaj, e cila u shpreh: “Ju keni shkuar pranë SPAK si kryetare e këtij komisioni, pa qenë e mandatuar nga ky komision. Ndaj, veprimi juaj është në kundërshtim të hapur me ligjin, që ju detyrojnë juve të mos ndërmerrni asnjë tagër që nuk ua jep ky komision. Për këtë arsye, ne anëtarët e mazhorancës në këtë komision kemi vendosur të drejtojmë një kallëzim penal në SPAK për Jorida Tabakun, për dy vepra penale, për ushtrimin e ndikimin e paligjshëm ndaj personave që ushtrojnë veprime publike, dhe shpërdorim detyre”.
Tabaku sqaroi se takimi erdhi pasi javën e kaluar një nga anëtarët e mazhorancës në komision, Arben Pëllumbi, shprehu shqetësimin se si informacionet në mbledhje ndikojnë punën e SPAK. Për këtë, shtoi Tabaku, ajo u takua me Krajën.
“Znj.Felaj nuk ishte javën e kaluar dhe zv.kryetari, z.Arben Pellumbi, tha se ‘nuk e dimë nese po bëjmë mire apo keq per këta dëshmitarë. Ndaj duhet te pyesim’. Une ne cilësinë e kryetares krijova mundësinë per nje takim ne SPAK. Ashtu sikurse u diskutua ne komision, ne cilësinë e kryetares se komisionit, une organizova nje takim me kreun e SPAK. Te nderuar qytetare, nuk ka akuze me te mire sesa nga ata qe sot duhet e ishin para drejtësisë, sesa ajo qe mu be nga znj. Felaj e cila në është në konflikt të pastër interesi, sepse ishte pjese e dhënies së një prej fazave të inceneratorit dhe do të marrë peng punën e komisionit në javën më të rëndësishme, që duan të pengojën hetimin, dhe nuk duhet të ishte sot ne komision. Na ben sot moral për diskutimin e ligjit. Bëje këtë padi edhe për Veliajn dhe Manjën. Këtë kallëzim bëje për vete dhe tre anetare të komisionit. Keni qenë vendimmarrëse për Elbasanin, Fierin dhe Tiranën. Kush është në konlfikt interesi është sot këtu duke u bërë mbrojtjen në komision. Padia që sot po ben Felaj, i njëjti nga z.Zoto dhe Mertiri”, tha Tabaku.
Më tej, mes Tabakut dhe Felajt vijuan replikat për çështjen.
Tabaku tha se anëtarët e mazhorancës duan të bllokojnë hetmin.
Lexo edhe:
“Mblidh veten, do të nxjerr jashtë. Do mbash përgjegjësi”/ Replikat Tabaku-Felaj në komision
