Pothuajse një vit nga ekzekutimi i Endrit Mustafës, krim i kryer në zonën e Livadheve në Shkodër, i pandehuri 15-vjeçar Ergys Malja, tërhiqet nga bashkëpunimi me drejtësinë dhe i cilëson të rreme të gjitha deklarimet e dhëna për ngjarjen.
Familja e tij gjithashtu kërkon heqjen e statusit të mbrojtjes. Por nëse ky akt miratohet, hetimet për ngjarjen kthehen në pikën zero.
‘Ora News’ ka zbuluar dokumente që janë firmosur nga i mituri i arrestuar, Ergys Malja, babai i tij, Admiri dhe nëna Jetmira, ku tregohet qartë se 15-vjeçari ka hequr dorë nga bashkëpunimi me prokurorinë, dhe aq më tepër ai dhe gjithë familja e tij, kërkon të dalë nga programi i Mbrojtjes së Dëshmitarëve të Drejtësisë.
Zjarrvënësi ‘i sëmurë’ lihet i lirë, familja që i dogji banesën denoncon ‘skandalin’ e policisë Mat
Familjarët pretendojnë se nuk janë ndjerë nga askush të kërcënuar dhe se masat e policisë për ti marrë në mbrojtje, i cilësojnë si të tepërta.
Nga ana tjetër, i arrestuari Malja, që aktualisht vijon të qëndrojë në burg si njeriu që e ka nxjerrë në pritë, Endri Mustafën, tregon se i gjithë deklarimi i tij dhënë në polici është i pavërtetë.
‘Sipas fakteve të ndodhura i mituri në konflikt me ligjin, ka hequr dorë nga statusi i bashkëpunëtorit të drejtësisë, për shkak se nuk ka kryer veprën penale, sikurse akuzohet në bashkëpunim me Ibrahim Licin, për arsye se nuk ka qënë në vendin në të cilin pretendohet se ka ndodhur vepra penale si dhe deklarimi i tij është i pavërtetë.’
Shkresa i është përcjellë dhe zyrës së Prokurorit të Përgjithshëm.
Por në përgjigje, ky institucion shprehet se familja Malja, duhet ti drejtohet Komisionit të Vlerësimit të Programit të Mbrojtjes së Dëshmitarëve dhe Bashkëpuntorëve të Drejtësisë, pranë Ministrisë së Brendshme.
Pavarësisht kësaj situate, dy prokurorët pretendojnë se të pandehurit Ergys Malja dhe Ibrahim Lici, kanë marrë pjesë direkt në vrasjen e Endri Mustafës.
Dosja është në gjykatë.
Ndërkohë, Lici vijon të jetë në kërkim nga policia dhe po gjykohet në mungesë.
Ai është akuzuar edhe më parë si pjesë e grupit që vrau dy vëllezërit, Astrit dhe Ibrahim Bilali në Shkodër por kjo akuzë nuk u provua.
Për pasojë çështja kundër tij u pushua.
