Kryeministri Edi Rama u shpreh këtë të Mërkurë në një bisedë me gazetarë shqiptarë në Uashington se SHBA nuk ndikohet nga faktorë të jashtëm në vendime si ai për ish-kryeministrin Sali Berisha, i cili u shpall “non grata”.
I pyetur nëse çështja u diskutua me Blinken gjatë takimit që pati, Rama tha:
“Shpallja non grata e Berishës është 100 përqind meritë e Berishës. SHBA thjesht e kanë konfirmuar me vendimin e tyre meritën e tij për të gjitha ato që e kanë shpallur ‘non grata’ dhe të thuash se qeveria e SHBA mund të influencohet nga faktorë të jashtëm për vendime të kësaj natyre do të thotë të akuzosh SHBA se janë një shet pa integritet dhe kanë një qeveria që korruptohet. Kjo është jashtë realitetet. Këto janë vendime që merren me procedura të caktuara. Nëse SHBA do korruptoheshin kaq kollaj do ishin peng i diktuarave dhe regjimeve që kanë pasuri marramendëse”, tha Rama.
“Kjo është një farsë për të ardhur keq dhe më shumë për të ardhur keq janë ata njerëz që i besojnë këto gjëra”, shtoi ai.
