Pas më shumë se një viti frike, krize dhe kujdesi, tregu i transferimeve në botë i është rikthyer zakoneve të vjetra të shpenzimeve marramendëse.
Sipas një studimi nga FIFA, 1.03 miliardë dollarë (902 milionë euro) u shpenzuan në janar për transfertat ndërkombëtare, që përbën një rritje prej 74.7% krahasuar me janarin 2021.
Në nivel ndërkombëtar, janë kryer 3791 transferime duke konfirmuar kështu se futbolli po e rimerr veten pas një torture të gjatë të shkaktuar nga pandemia e covid-19.
Nga këto transferime prej 1.03 miliardë dollarë, 927.6 milionë dollarë janë shpenzuar vetëm nga klubet në Europë ndërsa pjesa tjetër jashtë kontinentit të vjetër.
Si gjithmonë, Anglia është vendi i parë ku shpenzohet më shumë në merkato teksa më pas vjen Italia që lë në vend të tretë Spanjën.
Më poshtë mund të shihni renditjen e vendeve që shpenzuan më shumë në merkaton e Janarit:
Anglia: 349,5 milionë
Italia: 113,6 milionë
Spajna: 111,1 milionë
Franca: 75,2 milionë
Rusia: 72,1 milionë
Gjermania: 70,6 milionë
Belgjika: 32,7 milionë
Greqia: 23,7 milionë
Arabia Saudita: 23,5 milionë
Brasil: 23,1 milionë.
