Këshilltari ligjor i Presidentit Ilir Meta ka folur sot për publikun, teksa pritet vendimi i Gjykatës Kushtetuese për shkarkimin ose jo të Kreut të Shtetit. Ai solli disa dokumente dhe foli për ndërhyrje apo manipulim nga Kuvendi.
“Në seancën e orës 10 i kemi kërkuar GJK, kemi kundërshtuar vërtetësinë e një prove, të depozituar më 4 shkurt nga Kuvendi, ku i përcjell GJK disa prova të reja shtesë. Gjatë shqyrtimit të këtyre provave të reja që na u vunë në dispozicion po të njëjtën ditë, na rezultoi nga vetë praktika e dorëzuar nga Kuvendi, një ndërhyrje apo manipulim prove. I është parashtruar gjykatës dhe në përgjigje. Urdhri që Kuvendi i depozitoi GjK mban datën 5.5.2021. Ndërkohë që sipas urdhrit të publikuar në faqen e Kuvendit, urdhri mban datën 6.5.2021”, u shpreh ai.
“Janë ndryshuar fjalët. Ndërkohë edhe ka pasur ndërhyrje në prova. Gjykata të çmojë vërtetësinë se ka ndërhyrje në te me qëllimin e vetëm që të rrëzohen pretendimet e Presidentit. Ka ndërhyrje, por qëndrimet e Presidentit qëndrojnë. Ka mllef politik”, tha Dervishaj.
LIVE – Këshilltari i Presidentit për Çështjet Ligjore, z.Bledar Dervishaj denoncon marrëzinë më të fundit të Kuvendit të ri, që ndjek me besnikëri të plotë rrugën e manipulimit dhe falsifikimit të provave nga Kuvendi njëpartiak. https://t.co/ZpYaBrpE82
— Ilir Meta (@ilirmetazyrtar) February 7, 2022
