Kuvendi ka miratuar marrëveshjen e firmosur me Greqinë për hapjen e një qendre të përbashkët policore dhe doganore për të luftuar krimin ndërkufitar
“Thelbi i marrëveshjes është ngritja e një Qendre të përbashkët ekspertësh, nga policia dhe dogana e të dy vendeve, ku do të shkëmbehet informacion dhe do të bëhet analizë risku për të parandaluar veprimtarinë kriminale dhe kryesisht krimin ndërkufitar. Shkëmbimi i informacionit mes vendeve është një praktikë tashmë e njohur, por në këtë rast, ngritja e një strukture të tillë, unike për nga forma, e lehtëson së tepërmi këtë proces”, tha ndër të tjera Bledi Çuçi ditën e sotme nga parlamenti.
Qendra është e vendosur në anën greke të kufirit dhe do të ketë specialistë nga të dy vendet. Marrëveshja e përbashkët parashikon bashkëpunimin policor dhe doganor dhe shkëmbim të informacioneve që lidhen me forma të ndryshme të krimit në kufijtë e të dy vendeve.
