Në fjalën e tij në seancë plenare, nënkryetari i Kuvendit Agron Gjekmarkaj komentoi vizitën e presidentit turk, Rexhep Taip Erdogan në Tiranë.
Ndërsa shprehu mirënjohje për cdo lloj ndihme ndaj Shqipërisë, Gjekmarkaj theksoi se u ndje keq, gati i poshteruar per diversionin që u bë mbi komunitetin musliman shqiptar gjatë vizites së Presidentit Erdogan, ndonëse theksoi se kulturalisht është katolik.
“Sot është dita që ky kuvend të demostrojë ndergjegje kombetare. Një javë më parë Presidenti i një vëndi mik , Presidenti i Turqisë Rexhep Taip Erdogan vizitoi këtë sallë duke mbajtur ketu një fjalim. Padyshim Shqiperia nuk sheh tek Turqia moderne ish Perandorinë Otomane perkundrazi sheh një vend mik e aleat. Nuk mund ta harrojme miqesinë pa kushtë që shteti i Turgut Ozalit , Demirelit, Tansu Çillerit e Bulent Eçevit ne ditë të keqia na ofroi. E gjej me vend të falenderoj Turqinë për çdo lloj ndihme që i jep vendit tonë se mirnjohja as nuk duhet të vjeterohet as të lodhemi duke e shfaqur! Por ne jemi një shtet i pavarur dhe jo një vënd vasal ! Unë kulturalisht jam katolik por më se pari jam shqiptar dhe për mua prevalon kombi gjuha e gjaku mbi çdo fe. U ndjeva keq , gati i poshteruar per diversionin që u bë mbi komunitetin musliman shqiptar gjatë vizites së Presidentit Erdogan! Ata u perjashtuan në perurimin e Xhamisë së restauruar të Ethem Beut në qender të Tiranes dhe në krah të Presidentit Erdogan e të Kryeministrit Rama ishte një hoxhë Turk dhe jo një klerik musliman shqiptar. Shqiptaret musliman e kanë fituar të drejtën për të zgjedhur kreret e tyre qysh në vitin 1924 , dhe kjo është një e drejtë e panegociushme! Çdo tentativë për të dhunuar këtë të drejtë të shënjtë është nderhyrje flagrante në punet e brendshme të Shqiperisë dhe të ketij komuniteti. Këtë nuk duhet ta lejoje qeveria e cila dukshem shfaqet në pozita vasaliteti dhe jo partneriteti”, u shpreh Gjekmarkaj.
