Banorët e “5 Majit” në Tiranë sërish dolën sot në protestë për të kërkuar të drejtën e tyre për një kontratë të rregullt dhe strehimin pasi banesat e tyre u shembën në kuadër të projektit për rindërtimin nga Bashkia e Tiranës.
Familjet thonë se nuk kanë ku të shkojnë pasi bashkia nuk u ka gjetur një banesë me qira por thjesht u ka shembur banesat. Jo vetëm kaq, por tregjne se me ta nuk është gjetur ende një marrëveshje për firmosjen e kontratës.
Krah banorëve që bëjnë rezistencë është dhe Nënë Liza të cilës i është shembur banesa 3 katëshe.
“Si ma zi. Nuk jemi në kundërshtim me zhvillimin por duam kontratë të rregullt. Nuk i fal asnjë metër dhe asnjë centimetër. Tia fal atij se është pa lekë dhe në hall? Unë jam jashtë nuk kam ku ha e ku pi. Kanë marrë e kanë shkatërruar edhe rrobat e vdekjes time. Ky thotë jemi tu hi në Europë por në fakt po hyjmë në gropë”, thotë nënë Liza.
