Një pikë e këmbimit valutor në zonën e ‘5 Majit’ është grabitur mëngjesin e kësaj të enjte.
Sipas informacioneve në media, një person ende i paidentifikuar ka mësyrë brenda pikës së këmbimit, e cila ndodhet në qendrën tregtare “Concord Center” dhe nën kërcënimin e armës ka marrë një shumë të konsiderueshme parash.
Në vendngjarje ka mbërritur policia, ndërsa akoma nuk dihet shuma që ka marrë. Grabitësi, pasi ka marrë paratë, ka mundur të arratiset.
