Zinxhiri i spektaklit të së martës në “Big Brother VIP” ka bërë që DJ Dagz të lërë shtëpinë më të famshme në Shqipëri pasi doli në nominim me Einxhelin. Kjo situatë ka shkaktuar tension e përplasje jo vetëm brenda shtëpisë, por edhe jashtë.
Fansat e Dj Dagz dhe Dj PM e kanë cilësuar “tradhti” faktin që Donaldi, që e konsideronin mik, nuk zgjodhi Dagz-in, por Tanin.
Dj PM ka reaguar për herë të parë pas kësaj situate dhe shkruan se ka patur raporte të mira me të gjithë banorët, e s’ka aspak dëshirë të përfshihet në debate.
“Pershendetje t’gjitheve. Po shoh komente perkrahe ate, perkrahe kete. Me shume sinqeritet po ju them nje here dhe nuk e perseris me: Përderisa si PM e kam potencuar qe me t’gjithe banoret e shtepise e kam pas 1 RAPORT shume te mire, s’dua te perfshihem ne asnje lloj debati me askend “pse s’perkrahe ate apo ate”. Me te gjithe kam raporte shume te mira dhe ju uroj fitore te gjithe banoreve aty mbrenda dhe shume suksese ne karrieren e tyre jashte shtepise. Faleminderit t’gjitheve e me e se shumti atyre qe na perkrahen mbrenda shtepise. Ju don shoku PM shume”, shkruan PM në postimin e tij.
