Kategoria Superiore zhvilloi katër ndeshje të javës së 16-të këtë fundjavë, teksa nuk munguan rezultatet interesante. Skënderbeu-Laçi dhe Tirana-Vllaznia përfunduan pa gola, ndërsa Partizani triumfoi 0-3 ndaj Egnatias dhe Kastrioti mundi 2-0 Teutën.
Le të shikojmë pak rënditjen. Barazimi i bardhebluve bën që kryeqytetasit tashmë të shkojnë në 6 pikë më shumë se ndjekësit më të afërt.
Merr frymë Partizani. Të kuqtë morën 3 pikë të arta në Rrogozhinë dhe tashmë e shohin veten me 21 pikë në vendin e pestë.
Komplikon akoma më shumë gjërat Teuta. Disfata e durrsakëve bën që “Djemtë e detit” të mbeten në kuotën e 18 pikëve në vendin e gjashtë, shumë larg pritshmërive. 3 humbje në 3 takime peshojnë shumë.
Kastrioti tregon se mbetet në garë për mbijetesën dhe do luftojë deri në fund. Krutanët janë rikthyer te fitorja dhe kjo bën që distanca me Egnatian mos të jetë aq e madhe.
Vlen të theksojmë se java e 16-të përfundon në mesjavë me Kukësi-Dinamo.
Klasifikimi:
