“Krah për krah”/ Ambasada amerikane njoftim për vizitën e Ramës në aeroplanmbajtësjen e Marinës

Ambasada amerikane ka dalë me një njoftim lidhur me vizitën e kryeministrit Edi Rama dhe në aeroplanmbajtësjen e marinës amerikane.

“Në frymën e bashkëpunimit të ngushtë midis Shteteve të Bashkuara dhe Shqipërisë, dhe si aleate të NATO-s, aeroplanmbajtësja USS Harry S. Truman e Marinës së Shteteve të Bashkuara dhe ekuipazhi i saj mirëpritën Kryeministrin shqiptar Edi Rama, Ambasadoren e Shteteve të Bashkuara Yuri Kim, Ministrin e Mbrojtjes Niko Peleshi, Ministren e Jashtme Olta Xhaçka, Shefin e Shtabit të Përgjithshëm të Forcave të Armatosura të Shqipërisë Gjeneral Major Bajram Begaj, drejtues të lartë shqiptarë civilë, ushtarakë dhe rinorë, si të ftuar të veçantë në bordin e saj”, thuhet në njoftimin e ambasadës.

LEXO EDHE  Vizita e Sulltanit, me qindra automjete mbeten të bllokuara në rrugë (VIDEO)

“Delegacioni shqiptar pati mundësinë e rallë për të parë operacionet e fluturimit në kuvertën e fluturimit dhe gjithashtu u takuan me Makinistin e Klasit 2 Albi Jakova, nga Orlando, Florida, familja e të cilit është shqiptare. Ambasadorja Kim pati gjithashtu mundësinë të takonte marinarë nga vendlindja e saj në Guam. Kjo vizitë ishte një tjetër piketë në marrëdhëniet në fushën e mbrojtjes midis Shteteve të Bashkuara dhe Shqipërisë, ndërsa në 2022-in shënojmë 100 vjetorin e marrëdhënies sonë. SHBA-Shqipëri #KrahPerKrah”, thuhet më tej në njoftim.