Ish-kryeministri Sali Berisha, deklaroi se Edi Rama dhe Lulzim Basha e mbajnë peng selinë për shkak të projektit të kullave.
Në fjalën e tij në aktivitetin me rastin e 31-vjetorit të PD Lezhë, Berisha u zotua se do ketë protesta edhe më të fuqishme se më 8 janar.
“Doli parku i katër hajdutëve, që duhej ndërtuar te selia e PD-së. Hajdut Ramës, hajdut Bravës, hajdut Fushës dhe hajdut Velisë. Parkun e kishin emëruar si parku i katër lirive, kur ai ishte parku i katër hajdutëve. Ky është shkaku pse Edi Rama kërkon të mbajë peng shtëpinë tonë, shtëpinë e lirisë, shtëpinë e demokratëve”, tha Berisha.
