Akuzohen se tregtonin naftë kontrabandë, arrestohen 3 persona në Dibër

Tre persona në Dibër kanë rënë në pranga, pasi akuzohen se tregtonin naftë kontrabandë.

Sipas policisë tre të arrestuarit, furnizonin automjetet e transportit të udhëtarëve, duke shmangur detyrimet doganore.

Përkatësisht në pranga kanë rënë, Adil Cibaku 54 vjeç, banues në njësia Administrative Kostriot, Bashkia Dibër,, administrator i një subjekti privat, me fushë të veprimtarisë në transport udhëtarësh.

Izet  Merdini, 36 vjeç, menaxher i subjektit dhe Artur Lami, 32 vjeç, shofer në subjektin privat.

LEXO EDHE  Nis faza e dytë e punimeve në aksin Qafë Kashar-Rinas, ja si devijon trafiku

Uniformat blu, bënë me dije së këta shtetas kishin instaluar dy serbatorë për naftë në një automjet në përdorim të këtij subjekti dhe në mënyrë të vazhdueshme e sistematike merrnin lëndë djegëse (gazoil), në Dibër të Madhe dhe më pas e depozitonin në një depozitë nafte në afërsi të ambienteve tregtare të subjektit të tyre.