Atmosfera te Partizani në prag të nisjes se pjesës së dytë të Kategorisë Superiore ka ndryshuar dhe shumë madje.
Sipas kapitenit Alban Hoxha, i cili edhe ky është gati të rikthehet në fushë pas dëmtimeve që ka patur, tani skuadra është optimiste dhe ka dëshirë për të bërë gjëra të mira, madje për ta çuar të paktën ekipin në Europë.
“Objektivat e Partizanit kanë ndryshuar, është ndryshuar stafi, kanë ardhur lojtarë të rinj, siç është Bitri, do të vijnë të tjerë. Objektivi i parë është pjesëmarrja më kupat e Evropës, por ka shumë javë, pse të mos mendojmë edhe për titullin. Mendoj se kemi bërë mirë deri tani por fati ka qenë kundra nesh. Kemi bërë ndeshje shumë të mira, por ka pasur mungesë pikësh, por këtë pjesën e dytë të kampionatit duhet të bëjmë ndeshje të mira dhe të marrin pikë pasi pikët janë të rëndësishme. Pikët janë të më të rëndësishme sesa loja dhe në fund do të shikojmë ku do të arrijmë”.
Portieri me eksperiencë foli edhe për sfidën e parë të Partizanit me Egnatian për trajnerin e ri dhe për rivalitetin në portë.
“Nuk ka ndeshje të lehta në Superligë, por me Egnatian siç thonë nisja e mirë është gjysma e punës, shpresoj ta nisim mbarë. Kam besuar gjithmonë te ndryshimi, shikoj dëshirën e çunave dhe kjo më jep shpresë që ne do të bëjmë mirë gjatë kampionatit. Mehmeti? E njoh presorin më parë, është një njeri korrekt, puntor dhe kjo është një pjesë e mirë për trajnerin pasi mund të fusi një atmosferë të mirë. Skuadra ka qenë mirë, disa reparte kanë pasur hoshilacione, por jemi forcuar në merkato, pse jo mos të pretendojmë?. Rivaliteti me Teqjan? E kam shok prej vitesh dhe nuk jam xheloz. Aldo ka bërë ndeshje shumë të mira dhe do të jemi të 2 të gatshëm për të luajtur për të mirën e skuadrës. Kemi edhe një portier të 3-të shumë të mirë dhe kjo tregon se porta e Partizani është e sigurt për të ardhmen”, deklaroi në fjalën e tij portieri dhe kapiteni i të kuqve.
