Lulzim Basha, përmes një deklarate ka sqaruar arsyet e përjashtimit të Sali Berishës dhe disa prej mbështetësve të tij nga Partia Demokratike, ndërkohë që të tjerë anëtarë të Komisionit tv Rithemelimit, janë pezulluar.
Në deklaratë thuhet se nga protesta e 8 janarit, iu rrezikua jeta Lulzim Bashës dhe mbështetësve të tij, përfshi edhe deputetë, të cilët ndodheshin në selinë e PD.
E ndërsa nuk thuhet asnjë fjalë për gazin dhe lëndët kimike të hedhura ndaj protestuesve, apo për shkopinjtë dhe dhunën që u ushtrua ndaj tyre, si dhe nuk dënohet dhuna e Policisë së Edi Ramës ndaj disa qindra demokratëve, Basha thekson se pas shkatërrimit të paprecedentë të Selisë Qendrore të Partisë Demokratike, nga individë me rekorde kriminale dhe pa asnjë lidhje me Partinë Demokratike, të urdhëruar, organizuar dhe nxitur nga organizatorët e protestës;
Pas tentativës që përmes akteve të dhunës dhe kërcënimeve për destabilizim t’i imponohen vendimmarrjes së shumicës dërrmuese të të gjitha institucioneve të partisë;
Pasi kanë kaluar 48 orë dhe nuk ka asnjë akt distancimi nga dhuna e paprecedentë e urdhëruar, organizuar dhe nxitur nga disa anëtarë të partisë, ndaj partisë së tyre dhe anëtarëve të Partisë Demokratike;
Vendosi:
Dënimin me forcë të akteve të dhunës, gjuhës përcarëse dhe retorikës që nxit konfliktin mes demokratëve.
Përjashtimin nga Partia Demokratike, dhe ku është rasti nga të gjitha funksionet drejtuese dhe nga Grupi Parlamentar i Partisë Demokratike, të anëtarëve që kanë organizuar, nxitur, urdhëruar apo ushtruar dhunë si më poshtë:
Sali Berisha
Flamur Noka
Edmond Spaho
Albana Vokshi
Bujar Nishani
Arben Ristani
Rigels Muçollari
Keltis Kruja
Klevis Balliu
Pezullimin me efekt të menjëhershëm nga anëtarësia në Partinë Demokratike, dhe ku është rasti nga të gjitha funksionet drejtuese dhe nga Grupi Parlamentar i Partisë Demokratike, deri në distancimin e plotë dhe publik nga aktet e dhunës ndaj Partisë Demokratike, dhe veprimeve që dëmtojnë interesat elektorale apo politike të Partisë Demokratike, të:
Agron Shehaj
Aldo Bumci
Belind Këlliçi
Blendi Himçi
Clirim Gjata
Edi Paloka
Edith Harxhi
Eno Bozdo
Ervin Minarolli
Genc Deromemaj
Genc Pollo
Gent Strazimiri
Ivi Kaso
Ledina Mandija
Lorenc Luka
Luan Baçi
Mimoza Hajdrmamataj
Oerd Bylykbashi
Tritan Shehu
