Skuadrat e Superiores shkëlqejnë në miqësore, ja rezultatet e 4 ndeshjeve

Foto: FSHF.org

Skuadrat e Superiores, po i japin dorën e fundit përgatitjeve, para rifillimit të kampionatit, pasi pauzës disa javore.

Disa prej ekipeve, kanë luajtur miqësore, për të parë gjendjen e lojtarëve para se të zbresin në fushë në kampionat.

Vllaznia ka mposhtur me shifrat e thella 4-1, skuadrën e Tërbunit, që militon në Kategorinë e Parë. Çoba, Mustedanagic, Hoxhaj dhe Maliqi, i dhanë fitoren shkodranëve me golat e tyre.

LEXO EDHE  Renditja e Superiores/ Partizani “merr frymë”, Teuta në pikiatë. Ja klasifikimi i plotë

Laçi triumfoi 3-0 ndaj Vorës, në një ndeshje ku protagonist absolut ishte Van Dave, i cili realizoi të 3 golat e takimit.

Kastrioti mundi minimalisht Erzenin, me golin e vetëm që u shënua nga Selmani. Me të njëjtin rezultat fitoi edhe Dinamo ndaj Skënderbeut, aty ku ishte Redon Mihana që shënoi golin e vetëm.