Sulmon me gaz demokratët, Basha: Berishën e kanë braktisur, janë 800 mercenarë

Me një deklaratë provokuese, në një kohë që po mbyt me gaz lotsjellës demokratët e mbledhur në selinë e PD, Lulzim Basha ka vijuar akuzat ndaj ish-Kryeministrit Sali Berisha.

“Për të ardhur keq ku përfundoi Sali Berisha, i njëjtë me Edi Ramën e 21 Janarit! Me një grusht njerëzish kërkon të marrë me dhunë Partinë Demokratike për ta kthyer në një bunker, ku të strehojë veten dhe familjen kundër interesit të demokratëve dhe të shqiptarëve!”, thuhet në deklaratën e Lulzim Bashës, i cili ndodhet i ngujuar në selinë e PD, bashkë me një grup individësh, që herë pas here hedhin gaz lotsjellës dhe janë të maskuar.

LEXO EDHE  Fjalimi i Erdogan, Kuvendi ndalon hyrjen e gazetarëve të pavaksinuar

“Ka një lajm të mirë në këtë fatkeqësi për Sali Berishën: Ai është i braktisur nga demokratët. Janë më pak se 800 mercenarë në oborrin e PD, që ushtrojnë dhunë në këtë përpjekje të turpshme kundër demokratëve.

Aktet e dhunës së sotme kundër Partisë Demokratike shënojnë izolimin final të Sali Berishës dhe largimin me turp nga skena politike”, thekson Basha.