Protesta para PD, policia në gatishmëri/ Ja masat e marra

Policia ka marrë masa lidhur me protestën e mesditës së sotme.

Furgonë policie dhe autobote me ujë që përdoren për të shpërndarë protestuesit janë vënë në gatishmëri.

Ndërkohë, para selisë së PD aktualisht nuk ka efektivë policie.

Edhe pse protesta është planifikuar te PD, dera kryesore e Kryeministrisë është veshur me veshje metalike po ashtu dhe fasada e ndriçuar e saj. Ashtu si protestën kombëtare të mëparshme të thirrur nga Sali Berisha më 20 dhjetor të vitit të kaluar do të ketë shumë pak prezencë policore në terren. Njësitë FNSH do të qëndrojnë në gatishmëri dhe turma do të monitorohet nëpërmjet kamerave të sigurisë dhe efektivëve në terren.

LEXO EDHE  Basha: Demokratët janë të vendosur të sjellin një të ardhme më të mirë për të gjithë

Rreth orës 12:00 pritet të nisë protesta e thirrur nga Komisioni i Rithemelimit në oborrin e selisë së PD. Sali Berisha dhe mbështetësit e tij kërkojnë që Basha të lirojë selinë e PD pas Referendumit të 18 Dhjetorit që votoi për shkarkimin e tij si kryetar i PD-së. Ndërkohë Lulzim Basha ka shkuar në seli ku pritet të zhvillojë një takim me kryetarët e degëve dhe më pas do mbledhë kryesinë e partisë.