Kujdes demokratë! Rama do ju hajë për mëngjes

“Motrën në p***… Kur** ambasadave… plehrë”… Akuzat janë shkëmbyer në rrjetet sociale mes Roland Bejkos dhe një personi – me gjasë demokrat i krahut kundërshtar.

Më pas, në një reagim në profilin e tij në “FB”, Bejko shpjegon se “kushdo me emrin e vet a anonim qoftë që bën komente fyese në faqen time, do marrë mbrapsht reston me gjithë fjalorin e mundshëm nga ana ime, pra çdo fjalë që përmban fjalori i shqipes”.

Ai përdor më tej shprehjen ikonike të socialistëve të zënë ngushtë:

“Nuk ka bir kurve që më tremb”, shkruan kandidati për deputet i Gjirokastrës në zgjedhjet e fundit parlamentare, anëtar i Këshillit Kombëtar i PD-së dhe pedagog në Shkencat e Komunikimit.

Kjo është panorama e një copëz prej konfliktit që po ndodh në Partinë Demokratike. Etiketimet kriminel, horr, e të tjera epitete që dikur hidheshin mes kundërshtarëve politikë të ngjyrave të ndryshme, sot fluturojnë rëndom mes vetë demokratëve. Madje edhe nga drejtuesit e lartë të dy grupimeve.

“Nuk na plas për karriget e tyre”, shprehej Lulzim Basha disa ditë më parë, teksa nga gazetarët i kërkohej një koment lidhur me paralajmërimin e Komisionit të Rithemelimit të PD-së për afatin e vendosur për lirimin e zyrës së kryetarit.

LEXO EDHE  Tritol automjetit të parkuar, pronari me precedent penal

Nga nivelet e larta te militantët e thjeshtë po gëlon përdorimi i një gjuhe urrejtje. Britma e fjalorit degradues nga selia e PD-së, të sharat me libër shtëpie në rrjetet sociale, janë pasqyra e degradimit të konfliktit që po ndodh në partinë më të madhe opozitare në vend.

Një forcë politike që edhe pa këtë konflikt madhor, në zgjedhjet e fundit parlamentare nuk arriti të shpallej shumicë përballë PS-së në pushtet – për shumëkënd të provuar sërish si një “makineri e frikshme elektorale”, e gatshme të përdorë çdo mjet për të justifikuar qëllimin – mbajtjen e qeverisjes me çdo kusht!

Dhe në rrethanat kur makineria elektorale e Rilindjes i mundi “kur ishin mirë”, çfarë ndodh nëse garojnë në zgjedhje të përçare?!

Përgjigja më afër realitetit, duke ju referuar “folklorit Rilindas”, do të ishte: Rama do ti hajë për mëngjes!