Takimi i zv.ambasadorit amerikan Demian Smith me Lulzim Bashën, i zhvilluar në selinë e PD, ka zgjatur për rreth 1 orë.
Zyrtarit maerikan i është dashur të hyjë në selinë e PD nga dera anësore, pasi dera e selisë qendrore është e blinduar prej pak ditësh dhe rrallë hapet.
Smith shoqërohej në këtë takim nga një prej përkthyeseve, ndërsa ka zhvilluar një bisedë me Bashën, lidhur me zhvillimet në rradhët e demokratëve.
Takimi vjen në një kohë kur Bashës i është kërkuar që të lirojë zyrën e kreut të PD, pas vendimit të Kuvendit të 11 dhjetorit dhe referendumit të 18 dhjetorit që e kanë shkarkuar nga posti i Kryetarit të partisë më të madhe opozitare.
Nga raportimet mësohet se takimi me diplomatin amerikan është kërkuar nga Basha dhe ai zhvillohet dy ditë para protestës së thirrur nga Komisioni i Rithemelimit të Partisë Demokratike dhe tensioneve që kanë krijuar në rradhët e demokratëve veprimet e Bashës duke mbyllur selinë.
