Çfarë po ndodh në kufirin e Kosovës? Ushtria serbe nis stërvitje

Pjesëtarë të Ushtrisë së Serbisë kanë nisur një trajnim përgjatë gjithë vijës kufitare me Kosovën dhe kjo do të zgjasë deri pas përfundimit të Krishtlindjeve ortodokse.

Sipas Ministrisë së Mbrojtjes së Serbisë, trajnimi po realizohet “me qëllim të ruajtjes dhe përmirësimit të gatishmërisë luftarake”. Sipas kësaj ministrie, fokusi është në ushtrimin e operacioneve luftarake në rast “të një sulmi ndaj forcave serbe”.

LEXO EDHE  Operacioni i SPAK në Vlorë, të paktën 5 të arrestuar

“Trajnimi i vazhdueshëm i pjesëtarëve të Ushtrisë Serbe përmirëson më tej aftësinë për të kryer detyra specifike përgjatë vijës administrative (kufirit me Kosovën v.j.) në bashkëpunim me organet e tjera të sigurisë të Republikës së Serbisë dhe KFOR-it, në mënyrë që të sigurohet një mjedis i qetë dhe i sigurt për të gjithë qytetarët”, – thuhet në njoftimin e kësaj ministrie, përcjell portali “Kossev”. /Koha