Ish-kryeministri Sali Berisha deklaroi këtë të Martë nga selia blu se Komisioni i Rithemelimit ka vendosur të njoftojë Lulzim Bashën zyrtarisht për shkarkimin nga posti i kryetarit.
Berisha lajmëroi po ashtu se strukturat duhet të zgjedhin drejtuesit e rinj deri më 22 Mars.
Berisha paralajmëroi Bashën mos të pengojë vendimin e marrë në referendumin e datës 18 Dhjetor.
Ai ftoi deputetë demokratë ti bashkohen “PD-së së rithemeluar”.
“Strukturat të zgjedhin drejtuesit”
“Sot komisioni i përkohshëm i drejtimit të Partisë Demokratike, pas diskutimesh të gjëra, ka vendosur të nisë menjëherë nga puna për zbatimin e vendimeve të Kuvendit të 11 Dhjetorit për rithemelimin e PD-së. Gjer më datë 22 mars, të gjitha strukturat e kësaj partie duhet në përputhje me ndryshimet statutore të shtrohen në strukturat e anëtarëve të PD-së ku do vendosin me votën e lirë për drejtuesit e tyre, për forumet e tyre. kjo është një punë intensive, por pasioni energjia, përkushtimi i demokratëve është më i madh se kurrë. Duke u angazhuar në këtë proces të një rëndësie jetike, demokratët dhe demokratet janë të vetëdijshëm se janë në një revolucion të pandalshëm, të rëndësie jetike për fatin e demokracisë shoqërisë shqiptare dhe Shqipërisë në tërësi”, tha Berisha.
“Bashës do i komunikohet shkarkimi me shkresë”
“Komisioni vendosi ti komunikojë deputetit Basha vendimet supreme të anëtarësisë së PD-së aktin në historik siç ishte referendumi i datës 18 Dhjetor dhe ky akt siç e dini ishte shkarkimi, ratifikimi ishkarkimit që vendosën me votë të fshehtë 4446 delegatë të kuvendit të thirrur nga anëtarësia më 11 Dhjetor 2021. Si një akt protokollor dhe jo detyrim se detyrimin e shpall para gjithë shqiptarëve, deputetit Basha do ti dërgohet një shkresë ku do të njoftohet me shkrim për këtë vendim. Për të gjithë anëtarët e PD-së, 44 mijë të rinj, të reja, burra e gra që votuan më 18 dhjetor, për të gjtihë shqiptarët në Shqipëri dhe kudo që ndodhen, komisioni vendosi të njoftojë se anëtarësia e PD është në këmbë dhe e vendosur të zbatojë vendimin e saj. Pra, vendimi i marrë do zbatohet pa asnjë lloj hezitimi”, u shpreh Berisha.
Një paralajmërim bëri për Lulzim Bashën:
“Paralajmëroj këtu deputetin Basha të mos imagjinojë dhe mendojë për një çast të vetëm ti kundërvihet vendimit të referendumit më të gjerë që është mbajtur ndonjëherë në historinë e forcave politike. Anëtarët kanë fuqi absolute për të zbatuar vendimit. Komisioni i përkohshëm do bëjë detyrën për zbatimin e vendimit”.
Apeli për deputetët krah Bashës
Një apel bëri dhe për deputetët demokratë të rreshtuar krah Bashës.
“Ftoj çdo deputet të PD-së që e ndjen vetën deputet të kësaj force politike dhe jo deputet të Lulzim Bravës, ftoj çdo deputet të PD që e ndjen veten njeri të lirë dhe jo të ganxhuar nga interesa të ndryshme të vijë të marrë dosjen e votimit të degës nga ai është zgjedhur deputet dhe të marrë vendimet e duhura. Çdo akt në kundërshtim me këto vendime përbën një mungesë të plotë besnikërie politike ndaj atyre të cilët kanë derdhur lumenj djerse për mandatin e këtij apo asaj deputete. PD i garanton se do gjejë një PD krejt tjetër nga ajo që kanë përjetuar këto dy muaj, do gjejnë një PD të njerëzve të lirë dhe unë në emër të komisionit i mirëpres ata”, vijoi ai.
Lexo edhe:
