Basha: ‘Drejtësia e re’ ka dhënë garanci që askush nga ‘Trekëndëshi i Bermudës’ nuk preket

Lulzim Basha, edhe pse e cilëson si dritë shpresë arrestimin e Lefter Kokës për çështjen e inceneratorit të Elbasanit, thotë se persona në ‘drejtësi e re’ kanë dhënë garanci që askush nga Rama, Berisha dhe Meta të mos preken.

“Arrestimi i një prej ministrave të këtij që qëndron mbrapa mund të jetë një dritë shpresë që një prej kolonave që mbajnë bashkë qeverinë të mund të shkërrmoqet. Ky po krijon një reformë në drejtësi me njerëz që japin garanci që asnjë prej brinjëve të ‘Trekëndëshit të Bermudës’ të mos preket. Edhe qytetari më i thjeshtë i Afrikës e kupton që nuk mund të merren 17 vendime brenda ditës. 400 milionë euro të mafies së inceneratortëve do të dilnin dhe do të tepronin për t’i dhënë fund problemeve të shumë fëmijëve shqiptarë”, tha Basha nga foltorja e Kuvendit.

“Por kur shikon se çfarë ndodh në këtë vend se si janë zhvatur 4 mln për fëmijët, nga një grup parafolësish, atëherë kupton se sa hipokrite dhe e kotë është gjithçka që rrjedh nga votimi i një pakice, nga hajdutët e inceneratorëve, mafia e plehrave, kjo është arsyeja e vetmja se pse këta njerëz sundojnë. Ata zbrazin Shqipërinë dhe mbushin xhepat e tyre. Mbi Shqipëri ka zbritur një krizë, krizë ekonomike, të barkut bosh të një në dy familje shqiptare. Prindërit nuk iu ofrojnë një arsim dinjitar dhe t’ju ofrojnë shans për një jetë dinjitoze. Përmasat e kësaj krize janë bërë më të mëdha pas masakrës zgjedhore. Arrestimi i ndryshmit nga konglomerati i oligarkisë që është bërë njësh në këtë trekëndësh, nga ana tjetër interesat e një kauzë, dhe një tjetër trekëndësh, që populli e njeh mirë si trekëndëshi i Bermudës, po bëjnë gjithçka që ta zbarazin vendin dhe ta heqin ata nga çdo zë, dhe të shndërrojnë Shqipërinë në çifligun e tyre”, u shpreh Basha.

LEXO EDHE  16 vjet pa Dr. Rugovën, Berisha: Rama bllokon prej 7 vitesh vendosjen e shtatores në Tiranë