Qëndrimet e Yuri Kim, e cila shfaqet krah kryeministrit Edi Rama nga njëra anë dhe lëshon silura ndaj ish-kryeministrit Sali Berisha nga ana tjetër, duket se kanë shkaktuar pakënaqësi te qytetarët.
Kjo u tregua edhe në komentet e qytetarëve këtë të Premte, në një postim në FB të ambasadës amerikane në vendin tonë.
Ambasada njoftonte se sekretari i Shtetit Blinken është regjistruar në platformën “Spotify” dhe rekomandonte qytetarët që ta ndjekin.
Në gati 35 minuta pas postimit, shumica dërrmuese e komenteve shprehnin pakënaqësi për qëndrimet e ambasadës dhe ambasadores Yuri Kim.
Shumë e cilësuan postimin qesharak, duke kujtuar situatën e vështirë në vend, si rritja e cmimeve apo emigracioni masiv. Të tjerë kërkuan publikimin e provave për vendimin “non grata” për ish-kryeministrin Sali Berisha. Disa syresh u shprehën se ambasadorja është kthyer në vegël të Ramës.
Ndërkohë, të tjerë qytetarë e quajtën sekretarin Blinken dhe ambasadoren Kim “njerëz të Sorosit”.
“Kimete lexo ndonjë koment nga këto që të kuptosh se çfarë po i bën mardhënive Shqipëri- Amerikë. Sorosiane e vogël”, shkruhej në një koment.
