Akademiku Artan Fuga përmes një postimi në rrjetet sociale ka reaguar ndaj deklaratave të Lulzim Bashës, i cili sot pohoi se edhe qeverisja e PD ka qenë e korruptuar dhe se ai ishte i vetmi ministër i asaj kohe që ishte përballur me drejtësinë.
Fuga duke ironizuar Bashën shkruan se ai duhet të shkojë të denoncojë, të bashkëpunojë me drejtësinë, sipas parimit më mirë vonë se kurrë, pasi e kundërta është fshehje e krimit.
Postimi nga Artan Fuga
Siiii? Zoti Lulzim Basha deklaron sot se edhe qeverisja e PD ka qenë e korruptuar dhe ai e dinte dhe e di këtë?
Dhe nuk e ka denoncuar ose nuk shkon ta denoncojë personin apo personat në fjalë? Kështu mendon të pretendojë para shqiptarëve se do të qeverisi?
Deklaron se do të shkëputet nga pjesa e tyre e keqe?
Pra, i parashkruan këto krime, bën vetëgjyqësi duke i lënë mënjanë? Aq më keq i përdor për shantazh politik?
Uaaaauuuuu!
Mos jam në ëndërr?
Dhe qendron ende i heshtur dhe nuk shkon të denoncojë duke bashkëpunuar me drejtësinë sipas parimit më mirë vonë se kurrë? E kundërta është fshehje krimi!
Cfarë po na dëgjojnë veshët!!! Cfarë po na shohin sytë!
