SPAK arrestoi sot ish-ministrin e Mjedisit, Lefter Koka, lidhur me aferën e inceneratorëve.
Pas arrestimit të Kokës pati reagime nga LSI dhe PD, të cilat duket se u vunë në një garë se kush kishte kryer i pari denoncimin në SPAK.
Endri Hasa përmes një postimi sjell në vëmendje denoncimin e 2020, duke u shprehur asnjë dyshim se inceneratori i Elbasanit ishte i ngritur mbi një mega aferrë korruptive.
“Në 20 tetor 2020 dorëzova në SPAK kallëzin për Edi Ramën, Arben Ahmetaj, Lefter Kokën dhe administratoren e kompanisë, Albetk Energy për inceneratorin e Elbasanit.
Nuk kemi pasur asnjë dyshim se inceneratori i Elbasanit ishte i ngritur mbi një mega aferrë korruptive, pasi kjo kompani u krijua 3 ditë para hapjes së procedurës dhe kishte një kapital prej 1 mijë eurosh.
Sot Lefter Koka është me pranga në duar, por SPAK duhet të shkojë përtej firmës së ish-ministrit Koka dhe të marrë të pandehur Edi Ramën, Arben Ahmetajn dhe Erion Veliajn”, shkruan Hasa.
Më herët ishin zyrtarë të LSI, përfshi edhe Monika Kryeadhin dhe Petrit Vasilin, që reaguan lidhur me arrestimin e ish-ministrit Koka, duk publikuar edhe denoncimet që ato kishin depozituar në SPAK lidhur me aferën.
