Ish-Kryeministri Sali Berisha tha mbrëmjen e sotme se shpallja e tij “non grata” është rezultat i lobimit korruptiv nga Edi Rama dhe George Soros.
Në emisionin “Opinion”, Berisha tha se gjithçka është e bazuar në shpifjet dhe trillimet e Delina Ficos, përmes NGO së saj, nga Carlo Bolino dhe Ben Blushi.
“Këto i them me përgjegjësi të plotë. Vendimi është marrë pa asnjë fakt dhe pa asnjë dokument dhe do të shihet se çfarë turpi ka në ato dosje.
Çështja është në Gjykatën e Parisit ku unë kam paditur për shpifje Antony Blinken. PD duhej të kishte një Kryetar tjetër, por dallimi im mes Lulzim Bashës dhe meje është shumë i madh. Unë humba zgjedhjet dhe i hapa rrugën një gjenerate tjetër”, tha Berisha.
Ish-Kryeministri tha se nëse Lulzim Basha do të pranonte se ishte kukull, duhej të jepte dorëheqjen 8 herë.
“Një këshillë miqësore do ti jap z. Gabriel Escobal, populli shqiptar nuk i pranon kukullat, ndaj kjo mbështje shkon për Edi Ramën”, tha Berisha.
Ai u shpreh se ka mbështetjen e 5200 delegatëve.
