Një 38-vjeçar me origjinë shqiptare është arrestuar nga karabinierët në Itali, pasi ka sulmuar dhe kërcënuar me jetë gruan e tij dje në Monza, në sy të tre fëmijëve të vegjël.
“Do të të djeg të gjallë”, i tha i shoqi duke e ndjekur me çekiç pasi e shtyu dhe e goditi në përpjekje për ta vrarë.
32-vjeçarja kishte ulëritur në banesë dhe kanë qenë fqinjët ata që i erdhën në ndihmë duke e shpëtuar nga dhuna dhe njoftuan policinë.
Po ashtu bëhet me dije se dhuna që 38-vjeçari ushtronte ndaj bashkëshortes së tij ishte e vazhdueshme dhe tre fëmijët e tij të mitur kanë qenë dëshmitarë të gjithë tmerrit që ka përjetuar nëna e tyre.
Burri shqiptar u arrestua nga karabinierët, dhe do të përballet tashmë me akuzën e dhunës.
