Ish-Kryeministri Sali Berisha ka njoftuar një takim me studentët e Dhjetor ’90, i cili do të mbahet në Qytetin Studenti, atje ku 31 vite më parë nisi lëvizja studentore, që u pasua 3 ditë më pas nga krijimi i Partisë Demokratike.
Berisha njofton se protagonistë të këtij takimi do të jenë protagonistët e Dhjetor ’90, si dhe studentët e brezit 2021.
“Të mërkurën, dt. 8 Dhjetor, në ora 12:00, në Qytet Studenti, do të zhvillohet takimi dhe do të mbahen homazhe tek shtatorja e Azem Hajdarit. Të pranishem do të jenë protagonistët e Dhjetorit të vitit 1990 dhe studentë të brezit 2021!”, shkruan Berisha.
