Deputetja dhe aktorja e njohur Adriana Matoshi iu nënshtrua të mërkurën një operacioni për heqjen e tumorit në tru. Operacioni i vështirë kaloi me sukses dhe tani ajo ndodhet në spital ku edhe po rikuperohet.
Adriana Matoshi ndodhet në gjendje të mirë dhe pritet të lërë spitalin së shpejti. Mikja e saj e ngushtë, Gentiana Bunjoshi ka konfirmuar se do të dalë nga spitali brenda dy ditësh.
“Adriana është më mirë, ka filluar ta marrë veten dje dhe sot, nesër ose pasnesër lirohet nga spitali dhe do të jetë në regjim shtrati në shtëpi. Do të vazhdojë me terapinë derisa gjendja të përmirësohet komplet”, tha Bunjoshi për KlanKosova.
