Kuvendi i 11 Dhjetorit/ Berisha apel delegatëve: Bashkohuni në këtë ditëlindje të PD-së

Foto postuar nga ish-kryeministri Berisha në FB

Ish-kryeministri Sali Berisha i ka shprehur falenderime delegatëve demokratë të qarkut të Fierit që “kanë mbrojtur” procesin e mbledhjes së firmave për Kuvendin e 11 Dhjetorit.  Po ashtu, Berisha i ka bërë thirrje të gjithë delegatëve të bashkohen në këtë Kuvend Kombëtar që e cilëson si “ditëlindja e PD-së”.

“Falenderoj nga zemra delegatët firmëtarë të degëve Fier, Patos, Mallakastër dhe Roskovec, – shkroi Berisha në Fb, –  për guximin dhe dinjitetin në administrimin dhe mbrojtjen e procesit të mbledhjes së firmave për Kuvendin e datës 11 Dhjetor, sikundër u bëj thirrje të gjithë delegatëve të bashkohen me ne në Ditëlindjen e Partisë Demokratike! Të bashkuar drejt Fitores!”, shkruan Berisha në një postim në rrjetet sociale, teksa posto dhe një video nga deklaratat e përfaqësuesve të degëve në Fier, që kanë informuar mbi shifrat e firmëtarëve për 11 Dhjetorin.

LEXO EDHE  Zgjedhjet e 6 marsit, Topi: Nën siglën e PD vetë kandidatët e Bashës