Gjykata e Posaçme ka lënë në masën e arrestit me burg profesorin e Akademise së Sigurisë Qetsor Gurra si dhe oficerin e policisë rrugore Dritan Lelajn.
Të dy zyrtarët u arrestuan tri ditë më parë, 2 dhjetor 2021, pas një aksioni të prokurorisë së posaçme SPAK dhe Shërbimit për Çështjet e Brendshme dhe Ankesat pasi gjatë hetimeve u zbulua se kishin kryer akte korruptive.
Pikënisja e hetimeve mësohet se ishin pikërisht përgjimet telefonike që zbuluan korrupsionin me testin e gradave.
Konkretisht profesori Qetsot Gurra dhe efektivi Dritan Lelaj akuzohet se kanë konsumuar vepren penale të falsifikim të dokumenteve dhe ushtrim ndikimi të paligjshëm në testimin e kryer për gradën “Nënkomisar”.
Sipas burimeve efektivi i policisë rrugore i cili konkuronte për gradën “Nënkomisar” ishte rregjistruar në provim me dokumente false të cilat ishin pranuar nga Qetsor Gurra.
Efektivi kishte kërkuar një miku te tij që të komunikonte me profesor Gurrën në mënyrë që ta ndihmontë dhe ta merrte provimin kundrejt një shume bakshishi prej 4 mijë eurosh.
Efektivi i rrugores më pas ka folur në telefon me babin e tij ku i tregon se cdo gjë është rregulluar në lidhje me testimin dhe i ka kërkuar një shumë parash që duhet të ia jepte personit në fjale.
Përgjimi i kësaj bisede ka mjaftuar që SPAK të lëshojë urdhër arrest për profesorin që u prangos në Akademinë e Sigurisë e ndërsa efektvi i policisë rrugore Dritan Lelaj ra në pranga më pas.
Tashmë prokuroria po heton mundësinë e përfshirjes së personave të tjerë në këtë skemë korrupsioni pasi dyshohet se Qetsor Gurra ka ndërhyrë edhe tek anëtarët e tjerë të Komisionit të Vlerësimit të Testeve.
/Ora News/
