Goditet grupi i transportit të refugjatëve, 4 në pranga

Policia e Korçës ka vënë nën pranga 4 persona dhe ka shpallur në kërkim një tjetër, nën akuzën se transportonin klandestinë kundrejt pagesës.

Grupi, sipas bluve, ushtronte aktivitetin e kundërligjshëm në fushën e dhënies së ndihmës shtetasve të huaj për të kaluar në mënyrë të paligjshme kufirin, kundrejt përfitimit.

Gjykata e Rrethit Gjyqësor Korçë ka caktuar për pesë personat masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në bashkëpunim.

Të arrestuarit janë:

– A. B., 36 vjeç, banues në fshatin Zëmblak, Maliq,

– B. B., 47 vjeç, banues në fshatin Zëmblak, Maliq,

– L. S., 47 vjeç, banues në fshatin Ponçarë, Devoll,

– E. Z., 24 vjeç, banues në fshatin Ponçarë, Devoll.

I shpalluri në kërkim është:

LEXO EDHE  Temperatura deri në -11 gradë dhe ngrica/ Ja parashikimi i motit

– A. Z., 51 vjeç, banues në fshatin Ponçarë, Devoll

Policia sqaron se në kuadër të këtij grupi të strukturuar kriminal, janë arrestuar më parë nga Policia, në kohë të ndryshme, edhe 3 bashkëpunëtorë të tjerë të shtetasve të lartpërmendur, konkretisht shtetasit A.Gj. dhe L.S., banues në Elbasan, si edhe shtetasi I.D., banues në Korçë.