Apeli lë në fuqi dënimin për Shullazin dhe anëtarët e tjerë të grupit

Apeli i Gjyatës së Posaçme ka lënë në fuqi vendimin e Shkallës së parë për Emiljano Shullazin dhe bashkëpunëtorët e tij.

Shullazi do të vuajë kështu 14 vite burg, Endrit Qyqja 10 vite burg, Endrit Zela 10 vite burg dhe Blerim Shullazi 9 vite burg.

Të pranishëm në gjykatë ishin vetëm të pandehurit pa avokatët e tyre mbrojtës. Në seancën e shkuar, trupi gjykues mori vendim ta zhvillojë seancën pa praninë e avokatëve, mungesa e të cilëve kishte penguar disa herë procesin.

LEXO EDHE  FOTO/ Berisha takim me qytetarët në Mirditë, ja kur dhe ku do të mbahet

Të njëjtat dënime u dhanë dhe nga Gjykata për Krime të Rënda në vitin 2018. Të pandehurit, sipas prokurorisë, në bashkëpunim me njeri-tjetrin kanë shantazhuar Ylvi Beqjan duke i marrë 550 mijë euro dhe 30% të ish-hotel “Vollgës” në Durrës. Gjithashtu kanë kërcënuar biznesmenin Jani Zakën me qëllim marrjen e një parkimi. Këto vepra penale, sipas Gjykatës, i kanë kryer në formën e grupit të strukturuar kriminal.