Ish-kryetarja e Kuvendit Jozefina Topalli, e ftuar në studion e “Open” tha se ngjarjeve politike të fundit duhet ti shkohet me thellë, ndërsa e quajti ngjarjen në PD më të madhe pas asaj të viti 1990.
PD ka krizë të thellë legjitimiteti tha Topalli dhe sa i takon transparencës për Kuvendin këtë e tregojnë listat dhe sallat e mbushura.
“Është hera e parë që njerëzve u jepet kjo e drejtë. Jemi pas disa humbjeve rresht dhe kjo është fatur për Bashën i cili merr vendime në kundërshtim me Statutin. Jam e sigurtë që lista është më e gjatë se 1200 firma që janë lexuar. Kuvendi është mocion mosbesimi që anëtarësia ka bërë ndaj liderit të tyre. Unë nuk e kam imagjinuar se transparenca do bëhej para selisë dhe kjo ka ndodhir se ata janë kërcënuar. Në 11 duhej të niste thirrja e emrave. Kryetari i partisë nuk ka pranuar të thërrasë Kubendin. Partia është në krizë të rëndë sepse prej ditësh partia po ecte mbi një binar të kalbur”,- shprehet ajo.
