Kryeministri Edi Rama paralajmëroi sot se në Shqipëri mund të vijë momenti që të pavaksinuarit mund të mos lejohen të shkojnë në punë apo të hapin bizneset e tyre.
Kjo është deklarata e parë e Kryeministrit me tone kërcënuese ndaj kategorisë që po refuzon vaksinat.
“Vaksnihonu, mesazhi sot është i qartë. Nënpunësve publikë po i bëj thirrje të vaksinohen, pasi mund të vijë dita që nuk do të lejohen në shkojnë në punë dhe nuk do të paguhen.
I them atyre që kanë biznese që të vaksinohen pasi mund të vijë dita që të mos lejohen të hapin bizneset e tyre, nëse nuk kanë certifikimin e vaksinimit. Kjo mund të ndodhë edhe me studentët, ndaj i bëj shirrje të vaksinohen, pasi mund të vijë dita që s´do të lejohen të hyjnë në auditore.
Po kështu të mund të vijë dita që mos vijnë në Shqipëri të pavaksinuarit, ndaj vaksinohuni. Boll dëgjuar sharlatanët që po hedhin poshtë shkencën. Si ka mundësi që mos i besohet shkencës? Vaksinimi nuk është i detyrueshëm, por ne s´do të lejojmë që të pavaksinuarit të rrezikojnë të tjerët”, tha Rama.
Ai shtoi se në Shqipëri po përballemi me një grup individësh që flasin për konspiracione, që përhapin budalliqe.
Pyetjes sepse nuk pajisen me “green pass” personat që kanë kaluar Covid-19, Rama iu shmang me arrogancë, duke u shprehur se këto janë të turpshme.
“Po flasim për jetë njerëzish, vaksinat nuk ju mbrojnë 100 %, por të paktën shmangin rastet e rënda”, tha Rama.
