Mbyllen 6 takimet e Premier League, njihuni me rezultatet

Foto: AFP

Java e 14-të në Premier League nuk pati surpriza të mëdha dhe të gjithë big-ët e kampionatit fituan.

Sfida më e rëndësishme ishte derbi mes Everton dhe Liverpool që në fakt nuk pati histori pasi “The Reds” treguan edhe njëherë se janë në formë të jashtëzakonshme duke fituar 4-1. Për ekipin e Benitez një krizë e thellë që mund të ketë pasoja për fatin e tij teksa Salah dy herë, Henderson  dhe Diogo Jota ishin autorët e golave.

Në sfidën tjetër Chelsea kryesues mposhti jo dhe me aq lehtësi Watfordin e Ranierit me rezultatin 2-1. Sfida pati një ndërprerje në fakt pasi një tifoz në shkallët e stadiumit kishte probleme shëndetësore dhe vetëm pas rikuperimit të tij sfida rinisi. Mount në 30’ dhe Ziyech në 73’ zhvlerësuan golin e Dennis për vendasit duke i dhënë 3 pikë Tuchel.

LEXO EDHE  Caktohet data/ Zgjedhjet për kreun e FSHF-së mbahen më 2 Mars

Man. City gjithashtu nuk e pati të lehtë në transfertën me Aston Villan e Gerrard ku fitoi 2-1 falë golave të Dias dhe Silvas në pjesën e pare ndërsa Watkins shënoi në 47’ për vendasit.

Armando Broja luajti si zëvendësues për Southampton që barazoi 2-2 me Leicester ndërsa Wolves barazoi 0-0 me Burnley.