Gjergji Kohila, ish-shefi kundër Drogës dhe Trafiqeve në Policinë e Vlorës, është dënuar me tetë vite burgim.
Gjykata e Posaçme dha këtë të Mërkurë vendimin për dënimin e Kohilës, që sipas prokurorisë, bashkëpunonte me “Habilajt” në trafikun e drogës.
Vendimi i gjykatës u dha në përputhje me kërkesën e SPAK. Në seancën për pretencën, SPAK kërkon dënimin me 12 vite burg për Gjergji Kohilën. Për shkak të gjykimit të shkurtuar, dënimi përfundimtar i kërkuar u ul në 8 vite burg për akuzat e “trafikut të narkotikëve” dhe “grupit të strukturuar kriminal”.
Gjyqi ndaj tij është zhvillua në mungesë, pasi Kohila ende nuk është arrestuar.
