Basha: Do isha frikacak nëse vendimin për përjashtimin e Berishës do e merrnin forumet

Kryetari demokrat Lulzim Basha tha se do të ishte një frikacak, nëse nuk do të mbante përgjegjësinë për marrjen e një vendimi të vështirë.

Në studion e ABC, Basha u pyet lidhur me vendimin për përjashtimin e Sali Berishës, për të cilin tha se ishte vendimi më i vështirë politik që ka pasur.

“Demokratët përmes procesit “1 anëtar, 1 votë” më kanv besuar drejtimin e PD-së. Unë edhe mund ta hidhja topin e përgjegjësisë te Kryesia, Këshilli Kombëtar apo Grupi Parlamentar, por do të isha frikacak, pasi në një moment të vështirë do të shmangesha dhe do ia lija përgjegjësinë forumeve”, tha Basha.

LEXO EDHE  I ftohti polar ‘pushton’ Shqipërinë, ja zona më e ftohtë e vendit

I pyetur nëse do të pranonte një negociim të inicuar nga PPE mes tij dhe Berishës, Basha e përjashtoi si opsion me pretendimin se në rastin konkret kemi një situatë, kur lideri historik i partisë po kërkon të përdorë partinë si mburojë dhe për interesa të ngushta.