Agjenti i Levandovskit: Topi i Artë 2021 nuk i përket Mesit

Robert Levandovski bëri një postim në rrjetet sociale mbrëmjen e djeshme, duke treguar përulësi ndaj rivalit të tij Lionel Mesi që triumfoi mbi polakun për garën e Topit të Artë.

Por për t’iu bashkuar polemikave, ka menduar dhe agjenti i Levandovskit, Pini Zahavi i cili në një intervistë për ‘’TZ’’ është shprehur se klienti i tij nuk u ‘’vodh’’, por polaku e meritonte ta fitonte çmimin.

LEXO EDHE  Kukësi tenton lojtarin e kombëtares U-21

“Urime për Lionel Mesin: një lojtar mbresëlënës dhe një legjendë e përjetshme e futbollit. Por Topi i Artë 2021 nuk i përket Mesit, jo këtë herë. Topi i Artë është i Robert Levandovskit. Nuk është vjedhur, por ai është njeriu që e meriton. Prandaj nuk është çudi që disa qindra milionë tifozë e kanë të vështirë të besojnë rezultatin e kësaj ngjarje prestigjioze futbolli”, ishin fjalët e Zahavit.