“Sali Berisha nuk është kundërshtar i imi, s´ka qenë asnjëherë. Ai po tenton të përdorë Partinv Demokratike për interesa të tijat personale”, u shpreh kreu demokrat Lulzim Basha, pasditen e sotme në studionin e ABC.
Basha konsideroi Edi Ramën jo vetëm si kundërshtar politik, por edhe si kundërshtarin e Shqipërisë dhe shqiptarëve.
Kreu demokrat u shpreh se përdorimi i demokratëve si mish për top i turpëron ato që po i përdorin.
“Në momentin që PD ka një Kuvend më 18 dhjetor, atëherë këtu mbyllet shfaqja”, tha Basha. I pyetur lidhur me publikimin e emrave të delegatëve, Basha tha se rruga e ndjekur nuk ka dhënë produktin e dëshiruar.
“Oligarkë, kundërshtari ynë politik dhe faktorë të krimit të organizuar, kanë ndikuar në këtë proces”, tha Basha.
