Nesër (e martë, dt.30) priten reshje mesatare në të gjitha qarqet por lokalisht intensive në qarqet Shkodër, Lezhë, Durrës, Elbasan dhe Vlorë.
Ato priten të shoqërohen dhe me shtrëngata në qarkun Shkodër dhe Elbasan. Reshjet priten të jenë edhe në formën e dëborës, në zonat malore të vendit, në lartësitë mbi 300 m mbi nivelin e detit.
Lumenjtë e mëdhenj dhe të mesëm do të kenë shtim të prurjeve, por nuk priten dalje nga shtrati.
TEMPERATURAT
Nesër (e martë, dt.30) temperaturat minimale dhe maksimale të ajrit pritet të arrijnë:
në bregdet: 9 / 12 °C
në vendet e ulëta: 7 / 10 °C
në vendet malore: -1 / 4 °C
Era
Nesër (e martë, dt.30) era pritet të fryjë mesatare deri e fortë.
