VIDEO/ Chelsea-Man.United mbyllet në barazim, “blutë” ruajnë kryesimin

FOTO: AFP

Kryendeshja e javës në Premier League nuk ka fitues. Në “Stamford Bridge”, Chelsea priti Man. United me këta të fundit që do të zyrtarizojnë Rangnick në stol por gjithsesi morën një barazim 1-1.

Chelsea ishte superior në çdo aspekt ndaj rivalëve të tyre dhe në fund duhet të kënaqen me një pike që sigurisht nuk është ajo që kërkonte Tuchel i cili sot pati edhe Romelu Lukakun në fushë pas një mungese të gjatë.

Pa gola përfundoi pjesa e parë edhe pse me një superioritet të qartë të vendasve teksa në të dytën pas disa gabimeve në mbrojtje Chelsea ndëshkohet nga Sancho në 50’.

LEXO EDHE  FOTO/ Neymar zbulon të dashurën e tij të re, shfaqet bashkë me blogeren e njohur

Nuk zgjat shumë avantazhi i “djajve të kuq” sepse në 69’ Chelsea merr një penallti për ndërhyrje të gabuar të Bissaka dhe Jorginho nuk gabon.

Në minutat pasardhëse, skuadra e Tuchel ka mundësi për të shënuar por Werner dhe Ziyech nuk tregohen të saktë dhe në fund një barazim 1-1 që gjithsesi e çon Chelsean 1 pikë më shumë në krye se Man. City.