“Sali Berisha është lideri historik i PD, ka kontribute të jashtëzakonshme, ka respektin maksimal, por nuk është pronar i Partisë Demokratike”, u shpreh Sekretari i Përgjithshëm i Partisë Demokratike, Gazment Bardhi.
Ai tha se më 11 dhjetor nuk ka Kuvend, por miting, pasi Kuvendi Kombëtar do të mblidhet më 18 dhjetor. Bardhi tha se nuk ka asnjë
Bardhi tha se z. Berisha deklaron se ka mbështetjen e 4200 delegatëve, dhe deri në 11 dhjetor mund të shkojnë edhe 9000 mijë delegatë, ndërkohë që Kuvendi Kombëtar i PD ka 7600 delegatë gjithsej.
Sekretari i Përgjithshëm i PD tha se lëvizja e z. Berisha u kthye në oksigjen për Edi Ramën. Bardhi ka ripërsëritur akuzat lidhur me angazhimin e Suel Çelës në mbledhjen e firmave në Elbasan. Bardhi tha se nuk akuzon z. Berisha se ka angazhuar personalisht Suel Çelën, por ai zotëron dëshmi të delegatëve se janë thirrur nga Suel Çela dhe ai i ka kërkuar që të firmosin formularët për mbledhjen e Kuvendit Kombëtar të PD.
Bardhi pranoi se ka pasur mbështetje maksimale nga z. Berisha lidhur me fushatën dhe denoncimet që ai ka bërë ndaj asaj që e konsideroi si banda e Elbasanit.
