Ish-banori komenton sjelljen e Fifit në “BBV”: Sikur ishte tek burgu i grave, komunikonte me një lloj presioni të madh psikologjik

Dalja e Fifit nga “Big Brother VIP” u komentua në emisionin “Wake Up”, ku i ftuar në studio ishte Arjan Bakalli, ish-banor i “Big Brother 2”.

Bakalli tha se fillimisht e ka parë këngëtaren si një fituese të mundshme të BB VIP. I pyetur nëse ajo nuk do të kishte vendosur që të dilte nga shtëpia, a do të ishte në finale, ish-banori i “Big Brother” tha “jo më”.

“Sjellja që ka bërë ajo me Sarah, të paktën gjatë kësaj jave, mua më ka shokuar. Ishte një sjellje jo “Big Brother” por “burg brother”, sikur ishin te burgu i grave. Ajo fliste e komunikonte me Sarah me një lloj presioni të madh psikologjik dhe ajo thjesht përpiqej të shmangej e ta merrte me të urtë. Pra vazhdo më shaj, bëj ça të duash vetëm qetësohu, sepse ishte e pamundur të komunikoje. Unë ngaqë e kisha parë një personazh të fortë, po më krijohej një personazh keqardhje”- tha ish-banori i “BB2”.

LEXO EDHE  Mick Jagger publikon këngën kushtuar pandemisë: Kam Bill Gates në qarkullimin e gjakut (Video)