Vasili: Parashikoni fonde për pandeminë, jemi në një valë të re të Covid

Petrit Vasili, nënkryetar i LSI, u shpreh në seancën plenare, se vendi po përballet me një valë të re pandemie. Vasili tha se kjo del nga shifrat zyrtare të rasteve të reja që po raportohen zyrtarisht nga Ministria e Shëndetësisë.

Vasili tha se në 3 muajt e fundit numërohen rreth 60 mijë raste, bazuar te shifrat zyrtare, çka do të thotë se kemi një tjetër valë.

Në këtë kuadër, Vasili apeloi për të parashikuar në buxhet fondet e nevojshme për të rimbursuar qytetarët që preken nga Covid dhe që nv jo pak raste nuk kurohen, pasi nuk kanë para.

LEXO EDHE  Paloka apel demokratëve: Kujdes me fyerjet ndaj njëri-tjetrit, kujt po i shërbeni…

“Nga rastet e lehta te ato mesatare, se për rastet e rënda është tjetër gjë, duhen trajtime mjekësore. E dini ju që ka qytetarë që nuk kanë të ardhura të mjaftueshme për të përballuar mjekimin”, iu drejtua Vasili, deputetëve.