Berisha tregon se çfarë i tha Bashës për djegien e mandateve

Ish-Kryeministri Sali Berisha sërish është shprehur se ka mbështetur djegien e mandateve.

Berisha tha se ditën që kanë djegur mandate i ka thënë Kryedemokratit Lulzim Basha se ky vendim ose mund t’i çojë në fitore ose jo.

Lideri historik u shpreh se asokohe Bashën e ndihmoi Edi Rama pasi sipas tij nëse ky i fundit nuk do të ekzekutonte vendimin brenda 24 orëve, PD ose hynte në parlament, duke anuluar vendimin, ose përjashtohej nga EPP-ja.

Këtë deklaratë Berisha e ka bërë në një inerrvistë për Zërin e Amerikës:

Zëri i Amerikës: Ju, sipas asaj që ka thënë dhe zoti Basha, e keni mbështetur djegien e mandateve?

Sali Berisha: Absolutisht e kam mbështetur në këtë formë që dhe është bërë publike. Ky mendoi se përmes djegies së mandateve shoqëria shqiptare do polarizohej deri në atë shkallë sa të rrëzonte Edi Ramën. Në atë mbledhje I kam thënë se mund të shkojmë në fitore, por mund të përfundojmë dhe në greminë.

LEXO EDHE  Vrasja e Matiasit/ Nëna në gjendje shoku: Nuk hyj më në atë shtëpi

E dyta, me komunitetin ndërkombëtar do të kemi problemet më serioze. E ndihmoi Edi Rama, se po të mos ekzekutonte vendimin brenda 24 orëve Edi Rama, PD ose hynte në parlament, duke anuluar vendimin, ose përjashtohej nga EPP-ja. 100%  kjo që them. Mirëpo Edi Rama nuk i dha askurrkujt kohë që të bënte ndërhyrjen më të vogël se e ekzekutoi vendimin dhe ky më pas thoshte nuk e anuloj dot vendimin e Edi Ramës.