Punimet në Unazën e re, ja si devijohet trafiku nga dita e sotme

Autoriteti Rrugor Shqiptar me anë të një statusi ka treguar se duke nisur nga dita e sotme 24 nëntor do të fillojnë punimet për shtresën e fundit të asfaltit në rrugët dytësore të Loti 2, në Unazën e Re.

Duke nisur nga ora 20:00 e mbrëmjes deri në orën 06: 00 do të kryhen punime në rrugën paralele perëndimore (krahu i pallateve) nga Ura e lumit Lana deri te kryqëzimi me zgjatimin e Bulevardit “Migjeni” .

LEXO EDHE  ‘Armikun e kishim në krah’/ Kurmekaj: Basha zhgënim dhe ofentimpër demokratët

Në këtë segment do të devijohet trafiku.

Të gjitha automjetet që do të vijnë nga ish-sheshi Shqiponja do të devijonë vetëm majtas me destinacion rrethin e Pallatit me Shigjeta dhe do të jenë të bllokura të gjitha degëzimet që lidhen me këtë aks dytësor me destinacion rrugën ‘Tom Plezha’ gjithashtu nuk do të lejohen parkimet e automjeteve në këtë aks.