“Nëse ju ka shkuar vonë për permanent”, Alibeaj përplaset me Nikollën (Debatet)

Në Këshillin e Legjislacionit ku po diskutohet lidhur me ndryshimet Kushtetuese të propozuara nga PD, deputeti demokrat Enkelejd Alibeaj është përplasur me kryetaren e Kuvendit, Lindita Nikolla, e cila ka ndërhyrë për të mbrojtur kolegen Ermonela Felaj pasi sipas saj, Alibeaj po përdorte një gjuhë jot ë pranueshme.

Alibeaj ka thënë se nëse zonjat e pranishme në Komision ishin vonë në parukeri dhe kërkonin të shtyhej mbledhja atëherë ashtu mund të vendosej.

Kjo ka acaruar dhe më shumë debatin duke bërë që Nikolla t’i konsideronte fjalët e deputetit demokrat si fyese dhe seksiste.

Pjesë nga debati:

Enkelejd Alibeaj: Atëherë mesa dimë ne në detyrën e Prokuorisë së Posaçme….

Lindita Nikolla: Ju lutem përqëndrohuni tek kërkesat tuaja.

Gazment Bardhi (ngrihet nga vendi): Nuk është e mundur, herë nisim fjalën…

LEXO EDHE  I dënuar për prostitucion në Itali, i sekuestrohet pasuria lushnjarit

Ndërhyn Ermonela Felaj (nuk kuptohet).

Gazment Bardhi: por ju nuk jeni patronazhisti Ermal Pishtari, ju jeni Ermonelaj Felaj, Pishtari jeni ju që flisni?

Lindita Nikolla: Po ç’është kjo mënyrë të foluri? Ju lutem nuk po bëjmë as humor dhe as gallatë tani….s’janë temra për gallatë këtu.

Enkelejd Alibeaj: Nëse ju ka shkuar vonë për permanent na e thoni dhe të mbyllim mbledhjen e ta shtyjmë për një ditë tjetër…

Lindita Nikolla: Gjuha juaj është fyese, ju po u vini një stereotip zonjave që janë këtu, është gjuhë seksiste….

Enkelejd Alibeaj: Mos bëni viktimën tani…

Lindita Nikolla: Por kjo që bëni ju është fyese, të thuash ju shkoi vonë për në parukeri.